منتديات بلاد الرافدين



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

تانيت

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 تانيت في الأربعاء يوليو 16, 2008 10:12 pm


تانيتوتمنيت
وحلم طش على وسع البيت
كمت هنا
وطحت اهنا
وهنا تحت جنحي بنومتك ناغيت
واهنا تحت نخلة دارنه الكاروك
واهنا هودتلك مهجتي ولوليت
واهنا شلت راسك مثل شتل الفيض
لبلابة جرف من نومك وشبيت
من شط الرميثه استخير الديره
ومن فاضت شطوط العزم والغيره
مثل عودة السدره الطينك استنكيت
تدري اليطخ راسه ايلكفه جاري العيب
وانت من الزغر كمت الهه ما طخيت
تدري العيب شنهي وشنهي رفع الراس
وانت بكمر هاشم يولدي اتسميت
لسه جفوفك امطبعات عالحيطان
يوم الكمت وحدك تمشي واتخطيت
من زغرك كرهت زحوفك على الكاع
مثل ابن الفهد بجفوفك اتشلبيت
ومن زغرك فطرت على الصبر صومك
شلت هم الفقير الراح بالرجلين
وهموم الايتام الصابره همومك
ومن شفت الظلم خيم على البيبان
كفرت الصبر واستعجلت يومك
ومن نادتك كاعك ما ندهتك كوم
اعرفك من تكوم امشرع بزومك
واهيس راسي يتعله ويلوح الغيم
لو صار الحجي وتتسولف علومك
واذكرك من جنت تتنكل بممشاك
اكودك للشمس واتمله برسومك
وكل نكلة جدم وياهه بسم الله
كل فزه بمنامي اتفكدت نومك
وكل ما تبتسم عيني بوجه الحساد
وبعين الكلب يالبالكلب دومك
واطش ماي على وجهك واطبك القران
كل ما تشب طول وتكصر هدومك
يالعندي غلاتك ما وصلهه السوم
لا رخصت البيع ومشتره نجومك
اعز من اعز روحي وكل ثنايا الدار
يفداك اللبد والشرد من كومك
ويفداك التحنه بدم المعرسين
لايعرف ضنا ولا يكدر ايسومك
واعز من الضنا ما اضن وصف ينكال
بس الوطن اغلى ومحد ايلومك




rose rose rose rose

معاينة صفحة البيانات الشخصي للعضو

2 رد: تانيت في السبت أغسطس 30, 2008 1:17 pm

نااااااااااااااايس وعاااااااشت الايادي وماكو احلى من الوطن وان شاء الله نتامل المزيد

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى