منتديات بلاد الرافدين



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ماتدرين

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ماتدرين في الأربعاء يوليو 16, 2008 9:50 pm


هو / گاعده ..
اشمدريچ بيه ..
عدل .. ميت ..
صاحي .. نايم ..
مبتلي .. لو گلبي خالي ..
وگاعده ..
اشمدريچ بيه ..
وآنه الف حسبه ..
تجي اتمر بخيالي ..
وگاعده ولا چنچ انتي ..
ولچ عذالي اجت .. تبچي اعلى حالي ..

هي / اشبيك ..؟
يا ستار ..
احچيلي اللي صار ..
آنه حلمانه ..
وحلم موزين خوفني عليك ..
البارحه ..
بالطيف .. چن احنه انتفارگ ..
وايدي مدري اشبيها ..
متلامس أديك ..
وچن عفتني ودنيا ظلمة ..
اوحدي اصيح ..
ياهو اليوصلني ليك ..
وبرعب فزيت .. وباسمك اصيح ..
البارحه لحد الصبح ..
مشغوله بيك ..

هو / وما دريتي ..؟
هي / اشبيك ..؟ فهمني حبيبي ..
هو / ما تدرين ..؟
گلبي اشيحمل احزان ..
اتعب .. والتعب وياي متعوب ..
طحت ..
بس يا وگعتي ..
ابين عدوان ..
وتلگوني الشماته
.. وآنه مصيوب ..
غريب ويا غربتي..

المالها لسان ..
وترده الوكت وياي .. فدنوب ..


هي / غريب ..!!؟
غريب وآنه يمك ..؟ وشوكت هاي ..؟
اهن يومين مرن .. ما هن اكثر ..
شحال منبتعد ..
متشوفني اسبوع ..؟
وتبقى ويه الهموم ..
وبيهه تسهر ..

هو / طبعا ..
طبعا انتي ماتدرين ..
مرتاحه بحياتچ ..
وآنه اتعذب ..
اصبّح بالقهر .. واتمسّى وي الهموم ..
وبس ويه الدموع ..
آنه منريد ألعب ..
مكتوبه بحياتي .. والعمر لحظات ..
وآنه العمر كله ..
ويه التعب اتعب ..

هي / خير انشا الله ..
متشوف إلا الخير ..
يا أول حبيب بعمري صادفته ..
اتمنى آنه اشوفك ..
تضحك ومرتاح ..
ويا ربي ايتبدل ..
حلمي الشفته ..
وابقى وياك ..
لآخر نفس يالمحبوب ..
وعد من عندي ..
احبك ..
وعد قاطعته

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى