منتديات بلاد الرافدين



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ذكريات عاشق

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ذكريات عاشق في الأربعاء يوليو 16, 2008 5:35 pm



هو / تتذكرين ..؟
چنه اصغار ..
چنت اتمنى اشوفچ ..
واحچي مره وياچ ..
وجنت ابچي ويه روحي ..
من اسمع ابطرواچ ..
وجنت گوه اصبر الروح ..
چنت خايف اكلچ ..
مره آنه اهواچ ..

هي / وليش تخاف ..؟

هو / مدري اشبيه ..
اخاف وارتبك .. واحتار
لو يجمعني دربي .. وبالصدف الگاچ ..
روحي اتروح كلها وياچ ..
عقلي يروح كله وياچ ..
اتعثر ابدربي ..
من انظر لممشاچ ..

هي / وآنه ابمستحى ..
وچنت ادري كلش زين ..
اباوع ارتباكك ..
وانظر لممشاك ..
بس شتريد اگلك .. يعني ما معقول ..
احس عيب من اگلك ..
هالگلب يهواك ..
ظليت ابسكوتي ..
وانتظر يايوم .. تجمعني الليالي ..
واحچي آنه وياك ..
هو / تتذكرين ..؟
چنت اجمع حروفي ابكل رسالة شوگ ..
واكتبلچ غزل ..
ما كاتبه لانسان ..
واحتار الگلوب ارسمها مدري اشلون ..
يا گلب الارسمه .. من العشگ خلصان ..
وتتذكرين


هي/ .... اي طبعا حبيبي ..
اشلون انسى الصار ..
وآنه وذكرياتي ..
امخاصمه النسيان ..

هو / تتذكرين ..؟
بايام امتحاني وچنت افكر بيچ ..
ردت انساچ لحظة ..
منفتح الدفتر ..
لاموني اصدقائي ..
وردت اصبر الروح ..
وبحبچ ضعيفه الروح ما تگدر ..
وتتذكرين ......؟؟

هي / اي يحبيّبي اتذكر …..
مشه بينه العمر ..
واحنه ابحلاة النوم ..
شبسرعة كبرنه ..
ومشت حفنه اسنين ..
احس البارحه ..
من شفتك اول يوم ..
مشت بينا الليالي ..
وكلشي ممحسبين ..
لا حسبت بيه ..
ولانه احسب بيك ..
شوف الشيب اخذنا .. شننتظر بعدين ..؟
هو / لتخافين ..
خليچ ابهواچ ..
العمر بعده ازغير ..
ومو أول بشر بالقافلة مشيبين ..




rose rose rose rose

معاينة صفحة البيانات الشخصي للعضو

2 رد: ذكريات عاشق في الجمعة مارس 13, 2009 1:50 pm

نايس ذكريات حلوه وجميله rose

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى