منتديات بلاد الرافدين



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ياطاير

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ياطاير في الأربعاء يوليو 16, 2008 5:07 pm

يطاير لو صحت نسمه على جنحينك
لاتنسه السنين البينه وبينك
طش ريحانك ايلم البكه من الروح
خل وشلة سنيني اتلم رياحينك
يالتنثر املبس ضحكة عيونك
وحمرة مستحه اتضوي على خدينك
ضوه خدودك ترافه وشمع ومرايات
وياعشك النده وزين الورد زينك
يالكلك ترافه ولين يالخدران
بفياي الشواطي السكف جرفينك
يريعان السماوه وخضرة الكيعان
لا مل الفرات ولا وفه بدينك
كل طينه تريع من يمرهه الماي
وانت الماي هوه امريع بطينك
يا غنوة الطيره وكل صبح فيروز
تغفه عضاي واتفز بتلاحينك
يطول الخيزرانه التنطوي على الايد
ميل ويه الهوه ولين الغصن لينك
هوت ما هوت كبلك يا انيس الروح
لا بعدك هوت لاركدت سنينك
ركض بي العمر واتشلبه للخمسين
وانت العمر حرم يجزي عشرينك
واهمن بيك ياترف الكطه وخطار كل الفيض
يا ضحكة اموادع لاصدك لاغيض
تضحك لاتغثني ودافن ونينك
يثلثين الحسن من محزمك للهام
غفيه على الخصر من شال ثلثينك
وسبحان الجمع شمس الظهر والليل
سواد عيونك ولمعة ضوه جبينك
وعينك والسواد على البياض يلوك
سيفين اخلفن بالزود رمشينك
ومن طول الرمش مكلوب كتر العين
مدري شلون رمشك ما يبز عينك


rose rose rose rose

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى