منتديات بلاد الرافدين



أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ادخل وموت من الضحك بس لاتكول جذب ادمرك افخخك وافجرك هع والله

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

كلكم إتعرفون الحرب العالميه الثانيه تقريبا بالـ (1935).. آني چان بوكتها عمري 16سنه... المهم گاعده بالبيت دا العب بلي ستيشن 2.. دگ الموبايل مالتي (اي لا تتعجبون.. اني من ذاك الوكت عندي موبايل)





اي اكمللكم.. دگ الموبايل.. جنت حاط نغمة مال هيفاء (بوس الواوا).. شلته.. طلع (رئيس الجمهوريه مال روسيا).. گلي:بويه.. آسفين على الازعاج بس الوضعيه حيل عاوية.. والجيش نصه راح بالزلك.. محتاجينك حيل.





آني صفنت.. إتذكرت أيام الطفوله.. مِن چنت ألعب دعابل بروسيا ويه إبن الوزير.





گتله monkey عمو... إبطن عيني.. هسه بس أفوّل المولده التايگر للبيت.. وأجيكم





monkey ترست المولدة.. وچيـّـكت الدهن.. وأخذت البايسكل مالتي.. ذبيته (d).. وقبـّـطت سكليتر.. وين؟؟.. على الخط السريع مال (حله- كربلاء).. ومناك گلت آخذ يمنه على روسيا... monkey نص ساعه اني بنص موسكو.. بس شحچيلكم!!.. باردة ثلج.





شغلت التدفئة مال البايسكل و صعّدت الجامات... monkey گلتلهم وين بيت رئيس الجمهوريه؟؟.. گلولي بقطـّاع 20 يم مرطبات (علاوي جرثومه)





وصلت.. دگيت الباب.. طلع أبو مصطفى (إبن الرئيس الروسي إسمه مصطفى لأن مرته من الديوانيه).. خطيه الرجال حالته جانت زفت.. حضنـّي.. وگلي الله جابج.. گتله خير عمو؟؟... گال هيچ وهيچ السالفه.. والالمان طبوا بينه .. گتله عمو.. صدگ چذب.. اني موجوده وهيچ يصير!!!





اني رايحه.. منا ليومين ان شاء الله تسمع خير





طلعت رحت على ولد أعرفه بروسيا اسمه (قاسم) هذا شقاوه مال بغداد چان وصديقي الروح بالروح.. گتله قسومي هيچ وهيچ الفلم أريد أسلحه.. گلي تدللين شتردين؟؟.. گتله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)....... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات





monkey حطيناهم بعلاگه.. اخذتهن وعدل وگٍبل للجبهه.. وين؟؟.. بالخطوط الأماميه... ما اجذّب عليكم الوضعيه صدگ چانت داچـّه (يعني تعبانه).. بس اني خوما اخاف!!.. لا يابه لا... گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت





باوعت يمنه.. يسره.. شحچيلكم بلـ (564674534جندي ألماني).. وكل واحد راكب دبابة منفيست حديث.. بس اني تعرفوني سبعه اخت اخوها





نصبّت الصواريخ على چتفي وصيـّحت....اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه تصويريه).





monkey صفيتهم بقوا بس 7 جنود ودبابتين واني باقيلي رمانه وعلچ أبو السهم...... شسويت؟.. لزگت العلچ أبو السهم بالرمانه وشمرتها على الدبابة.. لزگت بيها.. وچان تنفجر.





بقت دبابة وحدة.. ركضت عليها وبيدي قلم أبو النبالات (لحد يگولي منين جبتيه.. هوه إجه)... monkey وبالقلم گطعت السرفه (التايرات مال الدبابه يعني).. وگفت... گـُمزت عالقمارة.. فتحت الباب.. نزّلتهم بيدي.. واخذتهم أسرى.





طبعا وره ما هيچ سويت.. إجه الرئيس الروسي وباسني من راسي وگلي:..
بنتي انتي اقوه من گرندايزر monkey..





گتله:.. لا عمو ما سويت شي آني.. عادي.. وانطاني هديه سيارة لادا بعدها ما ماشيه بالچيس.. واشترولي بنطرون كتان أصلي من الصين درجة أولى.. وبوتين أديداس أبو العلامة.
رجعت للبيت.. وشغلت المولدة.. وگعدت اتفرج (عدنان ولينا)



الي يكول جذب ادمره افجره
اسوي بيه مثل الالمان

معاينة صفحة البيانات الشخصي للعضو
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


قبل يومين خابرني الرئيس من قبره وكلمني بهل الموضوع وسئلني عليج
كتله البنت ناشره مذكراتها وأول شيء بدت بيك سد الموبايل من قبره ورجع وكال ارجم اكمل موتي Evil or Very Mad هيج كال

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى